ਮੱਧ ਪ੍ਰਦੇਸ਼ ਵਿੱਚ ਖੂਹ ਦੀ ਖੁਦਾਈ ਕਰਦਿਆਂ ਹਾਦਸੇ ‘ਚ ਪੰਜ ਮਜ਼ਦੂਰਾਂ ਦੀ ਮੌਤ

ਪੰਨਾ, 26 ਮਈ (ਪੰਜਾਬ ਟਾਇਮਜ਼ ਬਿਊਰੋ)- ਮੱਧ ਪ੍ਰਦੇਸ਼ ਦੇ ਪੰਨਾ ਜ਼ਿਲ੍ਹੇ ਦੇ ਇੱਕ ਪਿੰਡ ਵਿੱਚ ਅੱਜ ਖੂਹ ਦੀ ਖੁਦਾਈ ਕਰਦੇ ਸਮੇਂ ਉੱਪਰੋਂ ਮਿੱਟੀ ਡਿੱਗਣ ਕਾਰਨ ਪੰਜ ਮਜ਼ਦੂਰਾਂ ਦੀ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ ਇਹ ਘਟਨਾ ਅਮੰਗੰਜ ਬਲਾਕ ਦੇ ਬਿਹਾਰਪੁਰਵਾ ਪਿੰਡ ਵਿੱਚ ਦੁਪਹਿਰ ਵੇਲੇ ਵਾਪਰੀ। ਪੰਨਾ ਜ਼ਿਲ੍ਹੇ ਦੀ ਐਸ.ਪੀ. (ਸੁਪਰਡੈਂਟ ਆਫ਼ ਪੁਲਿਸ) ਨਿਵੇਦਿਤਾ ਨਾਇਡੂ ਨੇ ਦੱਸਿਆ ਕਿ ਇਹ ਸਾਰੇ ਮਜ਼ਦੂਰ ਮਨਰੇਗਾ ਸਕੀਮ ਤਹਿਤ ਬਣਾਏ ਜਾ ਰਹੇ ਇੱਕ ਸਰਕਾਰੀ ਸਿੰਚਾਈ ਖੂਹ ਦੇ ਨਿਰਮਾਣ ਵਾਲੀ ਥਾਂ ‘ਤੇ ਕੰਮ ਕਰ ਰਹੇ ਸਨ, ਜਦੋਂ ਅਚਾਨਕ ਮਿੱਟੀ ਖਿਸਕ ਗਈ ਅਤੇ ਉਹ ਸਾਰੇ ਹੇਠਾਂ ਦੱਬ ਗਏ। ਇਸ ਹਾਦਸੇ ਵਿੱਚ ਜਾਨ ਗੁਆਉਣ ਵਾਲੇ ਮਜ਼ਦੂਰਾਂ ਦੀ ਪਛਾਣ ਅਸ਼ੀਸ਼ ਯਾਦਵ, ਰਾਮਕੁਮਾਰ ਯਾਦਵ, ਰਾਮਪਾਲ ਯਾਦਵ, ਚੰਨੂ ਯਾਦਵ ਅਤੇ ਚੁੰਨੂਲਾਲ ਪਾਸ ਵਜੋਂ ਹੋਈ ਹੈ।