ਆਨ-ਸਕ੍ਰੀਨ ਮਾਰਕਿੰਗ ਨਾਲ ਪ੍ਰੀਖਿਆ ਮੁਲਾਂਕਣ ਵਿੱਚ ਆਈ ਪਾਰਦਰਸ਼ਿਤਾ ਦੀ ਨਵੀਂ ਲਹਿਰ : ਡਾ. ਰਾਮ ਕਿਸ਼ਨ
ਡਾ. ਰਾਮ ਕਿਸ਼ਨ ਯਾਦਵ, ਪ੍ਰਿੰਸੀਪਲ, ਮੀਰਾ ਪਬਲਿਕ ਸਕੂਲ
ਸਰਦੂਲਗੜ੍ਹ, 22 ਮਈ (ਰਣਜੀਤ ਗਰਗ)-ਮੀਰਾ ਪਬਲਿਕ ਸਕੂਲ ਦੇ ਪ੍ਰਿੰਸੀਪਲ ਡਾ. ਰਾਮ ਕਿਸ਼ਨ ਯਾਦਵ ਨੇ ਦੱਸਿਆ ਕਿ ਦੇਸ਼ ਦੀ ਸਿੱਖਿਆ ਪ੍ਰਣਾਲੀ ਵਿੱਚ ਸੁਧਾਰ ਦੀ ਦਿਸ਼ਾ ਵਿੱਚ ਇੱਕ ਮਹੱਤਵਪੂਰਨ ਕਦਮ ਵਜੋਂ ‘ਆਨ-ਸਕ੍ਰੀਨ ਮਾਰਕਿੰਗ’ (ਏ ਐੱਸ ਐੱਮ) ਪ੍ਰਣਾਲੀ ਤੇਜ਼ੀ ਨਾਲ ਪ੍ਰਸਿੱਧ ਹੋ ਰਹੀ ਹੈ। ਵੱਖ-ਵੱਖ ਸਿੱਖਿਆ ਬੋਰਡਾਂ ਦੁਆਰਾ ਅਪਣਾਈ ਜਾ ਰਹੀ ਇਹ ਡਿਜੀਟਲ ਮੁਲਾਂਕਣ ਪ੍ਰਕਿਰਿਆ ਨਾ ਸਿਰਫ ਪਾਰਦਰਸ਼ਿਤਾ ਵਧਾ ਰਹੀ ਹੈ, ਸਗੋਂ ਨਤੀਜਿਆਂ ਦੀ ਭਰੋਸੇਯੋਗਤਾ ਨੂੰ ਵੀ ਮਜ਼ਬੂਤ ਕਰ ਰਹੀ ਹੈ। ਡਾ. ਯਾਦਵ ਦੱਸਦੇ ਹਨ ਕਿ
ਰਵਾਇਤੀ ਕਾਪੀ ਜਾਂਚ ਪ੍ਰਣਾਲੀ ਵਿੱਚ ਮਨੁੱਖੀ ਗਲਤੀਆਂ ਅਤੇ ਪੱਖਪਾਤ ਦਾ ਖਦਸ਼ਾ ਬਣਿਆ ਰਹਿੰਦਾ ਸੀ, ਉੱਥੇ ਹੀ ‘ਆਨ-ਸਕ੍ਰੀਨ ਮਾਰਕਿੰਗ’ ਨੇ ਇਨ੍ਹਾਂ ਸਮੱਸਿਆਵਾਂ ਨੂੰ ਕਾਫੀ ਹੱਦ ਤੱਕ ਖਤਮ ਕਰ ਦਿੱਤਾ ਹੈ। ਇਸ ਪ੍ਰਣਾਲੀ ਦੇ ਅਧੀਨ ਪ੍ਰੀਖਿਆ ਉੱਤਰ-ਪੁਸਤਕਾਵਾਂ ਨੂੰ ਕੰਪਿਊਟਰ ਸਕ੍ਰੀਨ ‘ਤੇ ਜਾਂਚਦੇ ਹਨ, ਜਿਸ ਨਾਲ ਹਰ ਇੱਕ ਮੁਲਾਂਕਣ ਪ੍ਰਕਿਰਿਆ ਦਾ ਡਿਜੀਟਲ ਰਿਕਾਰਡ ਸੁਰੱਖਿਅਤ ਰਹਿੰਦਾ ਹੈ। ਪਾਰਦਰਸ਼ਿਤਾ ਵਿੱਚ ਵਾਧਾ, ਗਲਤੀਆਂ ਵਿੱਚ ਕਮੀ ਅਤੇ ਤੇਜ਼ੀ
ਨਾਲ ਨਤੀਜੇ, ਇਹੀ ਹੈ ਆਨ-ਸਕ੍ਰੀਨ ਮਾਰਕਿੰਗ ਦਾ ਫਾਇਦਾ। ਅੱਗੇ ਡਾ. ਯਾਦਵ ਦੱਸਦੇ ਹਨ ਕਿ ਇਸ ਦੇ ਲਾਗੂ ਹੋਣ ਤੋਂ ਬਾਅਦ ਨਤੀਜਿਆਂ ਦਾ ਐਲਾਨ ਸਮੇਂ ਸਿਰ ਅਤੇ ਵਧੇਰੇ ਸਟੀਕ ਹੋ ਰਿਹਾ ਹੈ। ਇਸ ਦੇ ਨਾਲ ਹੀ, ਕਿਸੇ ਵੀ ਪ੍ਰਕਾਰ ਦੀ ਬੇਨਿਯਮੀ ਦੀ ਜਾਂਚ ਕਰਨੀ
ਦੀ ਪਹਿਲਾਂ ਦੀ ਤੁਲਨਾ ਵਿੱਚ ਵਧੇਰੇ ਆਸਾਨ ਹੋ ਗਿਆ ਹੈ। ਡਾ. ਯਾਦਵ ਦਾ ਮੰਨਣਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ‘ਆਨ-ਸਕ੍ਰੀਨ ਮਾਰਕਿੰਗ’ ਦੇਸ਼ ਭਰ ਵਿੱਚ ਇੱਕ ਮਿਆਰੀ ਪ੍ਰਣਾਲੀ ਬਣ ਸਕਦੀ ਹੈ।
Discussion
Be the first to comment