ਕਬੱਡੀ ਟ੍ਰੇਨਿੰਗ ਕੈਂਪ ਮਲਸੀਆਂ ਵਲੋਂ ਸੀਜ਼ਨ 12ਵੇਂ ਦਾ ਕੀਤਾ ਗਿਆ ਉਦਘਾਟਨ : ਪਰਮਜੀਤ ਪੰਮਾ ਕੱਪ

Author: ਮਹਿੰਦਰ ਸਿੰਘ ਪੰਮਾ

ਸ਼ਾਹਕੋਟ, 22 ਮਈ (ਮਹਿੰਦਰ ਸਿੰਘ ਪੰਮਾ) – ‘ਕਬੱਡੀ ਟ੍ਰੇਨਿੰਗ ਕੈਂਪ ਮਲਸੀਆਂ’ ਦੇ ਕੋਚ ਪਰਮਜੀਤ ਸਿੰਘ ਨਿਮਾਣੀਪੁਰ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਮੱਲ ਮਲਸੀਆਂ ਵਿਖੇ ਇੰਟਰਨੈਸ਼ਨਲ ਕਬੱਡੀ ਖਿਡਾਰੀਆਂ ਵੱਲੋਂ ਸੰਯੁਕਤ ਰੂਪ ‘ਚ 12ਵੇਂ ਸੀਜ਼ਨ ਦਾ ਉਦਘਾਟਨ ਕੀਤਾ ਗਿਆ। ਉਦਘਾਟਨੀ ਸਮਾਰੋਹ ‘ਚ ਪਾਲਾ ਮਲਸੀਆਂ,ਹਰਮਨ ਮੱਲ੍ਹੀ,ਬਿੰਦਾ ਉਬੇਰਾ ਅਤੇ ਲੱਭਣ ਮੱਲ੍ਹੀ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਹੋਏ। ਪੰਮਾ ਕੋਚ ਨੇ ਦੱਸਿਆ ਕਿ 12ਵੇਂ ਸੀਜ਼ਨ ‘ਚ ਨਵੇਂ ਤੇ ਪੁਰਾਣੇ ਤਕਰੀਬਨ 100 ਖਿਡਾਰੀ ਟ੍ਰੇਨਿੰਗ ਲੈ ਰਹੇ ਹਨ। ਇਸ ਮੌਕੇ ਪਰਮਜੀਤ ਸਿੰਘ ਪੰਮਾ ਨਿਮਾਣੀਪੁਰ ਨੇ ਦੱਸਿਆ ਕਿ ਕਬੱਡੀ ਟ੍ਰੇਨਿੰਗ ਕੈਂਪ ਦਾ ਮੁੱਖ ਨਿਸ਼ਾਨਾ ਹੈ ਕਿ ਪੰਜਾਬ ਦੇ ਨੌਜਵਾਨਾਂ ਨੂੰ ਖੇਡਾਂ ਪ੍ਰਤੀ ਵੱਧ ਤੋਂ ਵੱਧ ਜਾਗਰੂਕ ਕਰਨਾ ਹੈ। ਉਨ੍ਹਾਂ ਕਿਹਾ ਕਿ ਖੇਡਾਂ ਹੀ ਨੌਜਵਾਨਾਂ ਨੂੰ ਨਸ਼ਿਆਂ ਦੀ ਦਲਦਲ ਤੋਂ ਦੂਰ ਰੱਖ ਸਕਦੀਆਂ ਹਨ। ਉਨ੍ਹਾਂ ਦੱਸਿਆ ਕਿ ਕਬੱਡੀ ਟ੍ਰੇਨਿੰਗ ਕੈਂਪ ਵਿਚ ਕਿਸੇ ਖਿਡਾਰੀ ਤੋਂ ਕੋਈ ਫੀਸ ਨਹੀਂ ਲਈ ਜਾਂਦੀ, ਜਿਸ ਕਰਕੇ ਨੌਜਵਾਨ ਕੈਂਪ ‘ਚ ਵੱਧ ਚੜ੍ਹ ਕੇ ਭਾਗ ਲੈ ਰਹੇ ਹਨ। ਇਸ ਮੌਕੇ ਕਬੱਡੀ ਕੋਚ ਪਰਮਜੀਤ ਸਿੰਘ ਪੰਮਾ ਨਿਮਾਣੀਪੁਰ , ਇੰਟਰਨੈਸ਼ਨਲ ਖਿਡਾਰੀ ਲੱਕੀ ਨਸਰਾਲਾ, ਫਰਿਆਦ ਭਾਗੋਪੁਰ, ਲੱਭਣ ਮਲਸੀਆਂ, ਅਮਿਤ ਬੂਤੀ ਮਾਧੋਪੁਰ,ਲੱਖਵੰਤ ਕਹਾਲ,ਗੁਰਦੇਵ ਕਹਾਲਾ, ਸੋਮਾ ਗਾਹਰਾ,ਕਰਨ ਸਾਈ ਮਲਸੀਆਂ, ਬਿੰਦਾ ਮਲਸੀਆਂ,ਪਨੀ ਮਲਸੀਆਂ, ਭਰਤ ਹਰਿਆਣਾ,ਪੰਡਿਤ ਤਲਵੰਡੀ ਸ਼ੇਖਾਂ, ਮੇਜਰ ਸਿੰਘ ਈਸੇਵਾਲ ਅਤੇ ਕੁਮੈਂਟਰ ਤੇ ਰੇਫਰੀ ਆਦਿ ਹਾਜ਼ਰ ਸਨ।